Spotify සමාගම අද සිට සියලුම පාරිභෝගිකයන් හට ගීතවල lyrics හෙවත් ගී පද බලාගැනීමේ පහසුකම ලබාදී තිබෙනවා.
නිවේදනයක් නිකුත් කරමින් ස්පොටිෆයි සමාගම කියා සිටියේ, මුදල් ගෙවා සහ නොමිලේ භාවිතා කරන සියලුම දෙනාට මෙම පහසුකම ලැබෙන බවයි.
ගී පද Musixmatch සේවාව හරහා ලබා ගන්නා බවයි ඔවුන් එම නිවේදනයේ සඳහන් කර තිබුණේ.
මීට පෙර Genius සමාගම හා එක්ව lyrics වල කොටස් සහ behind the song තොරතුරු ලබාදුන්නද බොහෝ පරිශීලකයන් චෝදනා කළේ එය ගැටලු සහගත බවයි.
එබැවින් දහස් ගණනක් ලොවපුරා සාමාජිකයන් වසර ගණනාවක සිට සමාගමෙන් ඉල්ලා සිටියේ හරියාකාර lyrics සේවාවක් ලබාදෙන ලෙසයි.
ඊට ප්‍රතිචාර ලෙස පසුගිය වසරේදී රටවල් 26කදී මෙම lyrics පහසුකම පරික්ෂා කිරිම ආරම්භ කර තිබුණා.
ජංගම දුරකතනයෙන් lyrics ලබාගැනීමට ගීතය ධාවනය වන විට තිරයේ උඩට (swipe up) කළ විට lyrics බලාගැනීමට පුලුවන්.
