කොවිඩ් -19 එන්නත් මිශ්‍රකර එන්නත්කිරීම භයානක ප්‍රවණතාවයක් බව ලෝක සෞඛ්‍ය සංවිධානයේ ප්‍රධාන විද්‍යාඥයා වෛද්‍ය සෞම්‍යා ස්වාමිනාතන් පවසා තිබෙනවා.
ප්‍රකාශයක් නිකුත් කරමින් ඇය සඳහන් කර සිටියේ එකිනෙකට වෙනස් කොවිඩ් එන්නත් මිශ්‍රකර භාවිත කිරීමට තමා උපදෙස් නොදෙන බවයි.
මේ වනවිට ශ්‍රී ලංකාව, කැනඩාව, එක්සත් රාජධානිය සහ ජර්මනිය ඇතුළු ලොව රටවල් කිහිපයක ඇස්ට්‍රාසෙනෙකා දෙවැනි මාත්‍රාව වෙනුවට ෆයිසර් එන්නත යොදාගැනීමට කටයුතු කරමින් තිබෙනවා.
එන්නත් මිශ්‍රකර ලබාදීමෙන් ඇතිවන ප්‍රතිඵල පිළිබඳ දත්ත නොමැති බවත්, නිවැරදි සාක්ෂි නොමැති බවත් ස්වාමිනාතන් ප්‍රකාශ කළා.
මේ අතර කැනඩාවේ ඔන්ටාරියෝ සෞඛ්‍ය අමාත්‍ය ක්‍රිස්ටීන් එලියට්ගේ සන්නිවේදන අධ්‍යක්ෂ කාර්ලි ලුවී පැවසුවේ ඔවුන් දිගටම එන්නත් මිශ්‍රකර ලබාදෙන බවයි.
