අනිත් එක, ආමි එක වැඩේට බැස්සාම, මාර quality එකක් තියෙන්නේ. මගේ පළවෙනි එන්නත ගැහුවේ government set එකක් ඇවිත්. හැබැයි දෙවෙනි එක ගහන්න තියෙන දවසේ, එයාලා වැඩ වර්ජනයක් කියලා, එන්න බෑ කිව්වා. ඊටපස්සේ හමුදාවෙන් ඇවිත් එන්නත් කලා.
වෙනස:
පළවෙනි දවසට අපෙන් ඉල්ලුවා, එයාලාගේ කාර්ය මණ්ඩලයේ තිස් දෙනයි, වෛද්‍ය වරු තුන්දෙනයි, සහායක ගෑණු ළමයි පස් දෙනයි එනවා, එයාලාට උදේ තේක (කන්න දෙයක් එක්ක), දවල් කෑම, මහන්සියට බොන්න අයිස් කෝපි, වැඩේ ඉවර වුනාම තැන සුද්ද කරන්න කම්කරුවන් පස් දෙනෙක්. උදේ නමයට පටන් ගෙන හවස තුන වෙනකොට, අපේ තුන්සීය දෙනෙකුට එන්නත් කලා.
දෙවෙනි දවසට අපිට කිව්වා කිසිම දෙයක් අවශ්‍ය නෑ, එන්නත් කරන අය පළවෙනි එන්නත ගහපු බවට දෙන කාඩ් එක අරගෙන පෝලිමේ එන්න. ඒ ඇති කියලා. පුළුවන් නම් උදේ අට වෙනකොට අදාල තැනට එන්න කියලා. මම එතන සංවිධානය කරන්න උදේ 7:30ට යනකොටත් එයාලා සූදානම්. පුටු ලෑස්ති කරලා, අපද්‍රව්‍ය දාන්න වෙනම භාජන, එන්නත් කරලා විවේක ගන්න වෙනම තැනක්. අටටත් කලින් වැඩේ පටන් ගත්ත එයාලා දවල් දොලහ වෙනකොට ඔක්කෝටම එන්නත් කරලා, ගොඩනැගිල්ලත් සුද්ද කරලා, අපද්‍රව්‍ය ඔක්කෝම එයාලාගේ ලොරියකට පිලිවෙලට පටවලා ඉවරයි. අපි දවල් කෑම ලෑස්ති කරනකොට කිව්වේ, ඒවා බලාපොරොත්තුවෙන් නෙමෙයි මේවා කරන්නේ කියලා...
