එළැඹෙන ජුලි මස 30 වැනිදා සිට ලබන අගෝස්තු මස 22 වැනිදා දක්වා පැවැත්වීමට නියමිත ලංකා ප්‍රිමියර් ලීග් (LPL 2021) තරගාවලියේ දෙවැනි අදියර සඳහා විදෙස් ක්‍රීඩකයින් 630ක් ලියාපදිංචි වී ඇති බව ශ්‍රී ලංකා ක්‍රිකට් ආරංචිමාර්ග සඳහන් කරයි.
අදාළ විදෙස් ක්‍රීඩකයන්ට මෙවර තරගාවලිය සඳහා ලියාපදිංචි වීමට ඉකුත් ජුනි 21 වැනිදා සිට 27 වැනිදා රාත්‍රී 12.00 දක්වා අවස්ථාව උදා වී තිබූ අතර ලියාපදිංචි වී ඇති ක්‍රීඩකයන්ගේ සුදුසුකම් මත ඔවුන්ව LPL අවසන් ක්‍රීඩක කෙටුම්පත සඳහා ඇතුළත් කිරීමට නියමිතය.
එම ක්‍රීඩකයන් අතර ලොව නම් දැරූ ක්‍රීඩකයන් රැසක් ඇතුළත්ව සිටින බව වැඩිදුරටත් වාර්තා වේ.
මෙවර LPL 2021 තරගාවලිය සඳහා විදෙස් ක්‍රීඩකයන් ලියාපදිංචියේදී ජාතික ක්‍රිකට් කණ්ඩායමක් නියෝජනය කර තිබීම, සිය රටේ පළමුපෙළ තරග ක්‍රීඩා කර තිබීම හෝ ICC පූර්ණ සාමාජිකත්වය හිමි රටක් විසින් සංවිධානය කරනු ලැබූ T20 ප්‍රිමියර් ලීග් ක්‍රිකට් තරගාවලියකට සහභාගි වී තිබීම අනිවාර්ය වී තිබුණි.
Courtesy : aruna.lk
#LPL2021
